فضفضه :)

بسم الله الرحمن الرحيم

السلام عليكم ورحمة الله وبركاته :)

..اللهم صل على محمد وال محمد كما صليت على ابراهيم وال ابراهيم انك حميد مجيد..


اخوي كان يوصلني وانا راجعه من الدوام فحب يعطيني نصيحه وبصراحة اعجبني كلامه ولقيت نفسي اطبقه من قبل لكن صرت احرص على اني اتذكر كلامه مستقبلا

كان يحكي انه الانسان اذا صادف توفيق بيومه لا ينسب هذا التوفيق لنفسه فالصح ينسبه لعمل صالح كان يسويه او بره بوالديه او طاعته لله او صدقة وناتج اعمال الخير هذه ربنا وفقه يعني مو بقوته او ذكاءه ..

تعليقي ع كلامه :

الانسان يبذل جهد يؤدي الى توفيقه في عمله ..

لكن الفضل الاكبر من رب العالمين الي امدنا بالصحه والعافيه ثم من اعمال الخير الي احنا نسويها وما نتوقع انه اثرها ممكن يكون كبير وكبير جداً
وانا كمثال في الاختبارات النهائيه كان علينا مادتين وانا كاني مانقلت الجدول زين فبدلت المادتين حطيت الاولى مكان الثانيه والعكس .. فرجعت البيت درست الماده الثانيه ككويس واجتهدت فيها والماده الاولى ما درستها زين قلت بوقت الراحه اراجعها .. المهم وصلت المدرسه اسال البنات كيف ذاكرتوا زين الفقه
قالو لي انت الان وش عليك من الفقه راجعي البلاغه انا وقف عقلي شوي وقلت الفتره الاولى علينا بلااااغه واروح عند المرشده بسرعه ومعاي ملزمتي واراجع ع السريع وادخل االامتحان مع اني ماذاكرت الماده بس النتيجه الي جبتها كانت 49 من 50 والله ما توقعت هذه النتيجه ابدا لكن على طول ربطتها بتوفيق الله اولا ثم بمساعدتي لامي وانا عندي اختبارات والشي الثاني من دعائها لي ..

فالزبده من الموضوع كله انك اي توفيق يجيك في حياتك اربطه بعمل صالح سويته وان شاء الله يكتب لنا الله الاجر والثبات على الخير ..

مجرد فضفضه واسفه ان طولت عليكم :)
.
.
سبحانك اللهم وبحمدك استغفرك واتوب اليك

موضوع رائع بوركت